Çfarë mund të presim nga kjo fazë e luftës?

Dr Jack Watling i institutit të mbrojtjes dhe sigurisë në Institutin Mbretëror të Shërbimeve të Bashkuara (IMShB), reflekton se si kjo fazë e luftës – me ofensivën ruse në Donbas – do të jetë e ndryshme nga ajo që kemi parë javët e fundit.

Gjatë ofensivës së tyre në Kiev, rusët po përparonin në dy rrugë dhe u përpoqën të dilnin nga ato rrugë – për shkak të kënetave dhe pyjeve të dendura, tha ai për programin Today të BBC Radio 4.

Ndërsa artileria e tyre kishte ngecur shumë larg nga fronti trafikun të cilin vetë e krijuan, njësitë e tyre që prinin karvanin ishin në rrezen e artilerisë ukrainase dhe ata pësuan dëme shumë të rënda sa herë që përpiqeshin të lëviznin.

“Kjo, përkundrazi, është një luftë për një vend mjaft të hapur, për një zonë shumë të gjerë dhe ka pjesë të saj që janë mjaft industriale dhe të urbanizuara… qytetet janë më të vogla,” thotë ai.

Pra, rusët duhet të jenë në gjendje të jenë më pak statik, të manovrojnë dhe duhet të ketë shumë më tepër në rrugën e betejave të kontaktit (njësitë që përplasen drejtpërdrejt me njëra-tjetrën) sesa prita, parashikon ai.

Rruga Press