Çfarë duhet të bëni çdo natë për të fjetur më shpejt

Nëse keni pasur probleme me gjumin, me siguri ju është thënë që t’i fikni pajisjet para gjumit, të bëni një dush të ngrohtë ose të bëni disa shtrirje të lehta para se të shkoni në shtrat. Por, këto nuk janë mënyrat e vetme që do t’ju ndihmojnë të flini më shpejt.

Psikologia Shelby Harris përmend disa këshilla të tjera që do t’ju ndihmojnë ta përmirësoni cilësinë e gjumit. Ajo thekson se gjumi sipas dëshirave dhe nevojave tona, jo vetëm që i shton kënaqësi rutinës sonë të natës, por na jep edhe diçka për të pritur me padurim në fund të ditës.

Kujdes çfarë hani për darkë – Ajo që hani për darkë bën një ndryshim të madh në cilësinë e gjumit tuaj. Për shembull, porositja e ushqimeve me shumë karbohidrate shpesh do t’ju mbajë zgjuar dhe ka një shans që të shihni ëndrra të çuditshme. Për të siguruar një gjumë të qetë, këshillohet t’i shmangni vaktet e të rënda me sasi më të madhe yndyre. Gjithashtu, shmangni ushqimet me sheqer, kafeinën dhe alkoolin para gjumit.

Bëni diçka argëtuese – Një rutinë që nxit gjumin mund të fillojë në mbrëmje, mundësisht duke përfshirë diçka që ju pëlqen. Mund të jetë ecja jashtë ose duke luajtur lojëra në tavolinë me anëtarët e familjes. Aktivitete si këto mund t’i japin trupit gjithashtu një dozë të vogël dopamine, e cila shpërblen trurin dhe relakson trupin, gjë që është çelësi për një gjumë të mirë të natës.

Mos u ndjeni keq nëse i keni zvarritur obligimet – Nëse ndiheni në ankth sepse nuk i keni përfunduar të gjitha detyrat që keni planifikuar për ditën, kujtojini vetes se pushimi dhe gjumi janë ende të nevojshëm. Gjithashtu, nëse nuk ndiheni të përgjumur dhe nuk mund ta kuptoni pse, qëndroni zgjuar derisa kjo ndjenjë të largohet.

Bëni rituale të vogla – Rutina e gjumit mund të zgjasë deri në 15 minuta. Provoni disa rituale të vogla para gjumit, si aplikimi i produkteve për kujdesin ndaj lëkurës ose ushtrimet e lehta. Gjithashtu mund të lexoni një libër ose një revistë, pasi kjo do të ndihmojë gjithashtu në përgatitjen e mendjes dhe trupit për gjumë.

Përmbajuni një orari të gjumit – Të shkosh në shtrat dhe të zgjohesh në të njëjtën kohë, është shumë e rëndësishme për të arritur një gjumë cilësor. Gjithashtu, është e rëndësishme që gjumi të zgjasë të paktën shtatë orë. Nëse keni probleme për të fjetur, mund të dëshironi të provoni disa teknika të frymëmarrjes së thellë.

Rruga Press