Çeku: ICT-ja dhe turizmi, shtylla strategjike për ta shndërruar Prishtinën në qendër inovacioni

Kandidati për kryetar të Prishtinës, Hajrulla Çeku, ka vlerësuar kontributin e organizatave Flossk dhe Hackerspace, të cilat prej vitit 2009 janë angazhuar në zhvillimin dhe promovimin e softuerit të lirë dhe open source.

Ai tha se përmes konferencës SFK, trajnimeve dhe bootcamps, këto organizata kanë edukuar gjenerata të reja në programim, rapid prototyping dhe inovacion.

Në hapësirat e tyre prodhohen edhe dronë të vegjël, ndërsa platforma dumedite.org ka lehtësuar qasjen e qytetarëve në dokumente publike.

“Është tejet pozitive që kemi shembuj të tillë të fuqisë së komunitetit profesional që sjellin ide dhe zgjidhje të qëndrueshme për të ardhmen e Prishtinës. Me ICT-në dhe turizmin si shtylla strategjike, bashkë me universitetet, bizneset, shoqërinë civile dhe profesionistët do ta shndërrojmë Prishtinën në një qendër të inovacionit dhe zhvillimit modern,” theksoi Çeku.

Rruga Press