Çarja midis Ministrisë së Mbrojtjes së Rusisë dhe Grupit Wagner

Fjalët për një rivalitet midis Ministrisë së Mbrojtjes së Rusisë dhe grupit ushtarak privat Wagner janë duke qarkulluar prej disa kohësh.

Inteligjenca amerikane ka konfirmuar tashmë një “përçarje” midis dy palëve, teksa gara midis forcave konvencionale ruse dhe mercenarëve Wagner në Ukrainë vazhdon.

Koordinatori i Sigurisë Kombëtare i SHBA-së për Komunikimet Strategjike, John Kirby tha se Grupi Wagner “po bëhet një qendër fuqie rivale për ushtrinë ruse dhe ministritë e tjera ruse”.

Grupi ka rreth 50,000 luftëtarë në Ukrainë, duke përfshirë 40,000 të dënuar – shumë prej të cilëve u është ofruar mundësia e lirisë nëse përmbushin kontratat për të luftuar.

Pavarësisht nga ndikimi në rritje i Wagnerit, instituti me bazë në SHBA, Instituti për Studimin e Luftës, tha se grupi ka të ngjarë të varet ende nga Ministria e Mbrojtjes ruse për përdorimin e pajisjeve ushtarake në vijën e frontit.

Ai tha se Wagneri po “funksionon më shumë si parazit” sesa si një organizatë e pavarur, siç themeluesi i saj, Yevgeny Prigozhin po përpiqet ta paraqesë.

Rruga Press