Bushati: Intervista e Hovenierit është një ushtrim që të fyen inteligjencën, të menderos sistemin e vlerave ku beson dhe te përdhos dinjitetin

Shkruan Andi Bushati

Intervista e ambasadorit amerikan Hovenier, ku arsyeton se pse nuk duhet hapur Ura e Ibrit, është një ushtrim që të fyen inteligjencën, të menderos sistemin e vlerave ku beson dhe te përdhos dinjitetin.

Ai në parim e pranon se duhet hedhur ky hap pro lëvizjes së lirë, por se kjo gjë s’duhet bërë tani.

Po u hap ketë moment, ka rrezik per dhunë dhe dhuna rrezikon jetën e ushtarëve amerikanë…pretendon ai.

Dhe meqë ky risk, – sipas tij-, ekziston, perfaqësuesi i ShBA nuk bën presion mbi dhunuesit, por mbi qeverinë e Kosovës.

Ai as nuk e çon ndër mend të përmendë Beogradin, por shantazhon me pengimin e rruges euroatlantike të Prishtinës, pikërisht sepse do të zbatojë një parim dhe standart të kësaj pjese të botës.

Pra logjika: “mos e bëni se do shkaktohet dhunë, por fajin nuk e ka dhunuesi, por të dhunuarit”.

Dhe meqë s’ka asnjë skrupull për argumentim logjik, shton: “a thoni qe jeni pro amerikanë, atëherë na dëgjoni”.

Rruga Press