Bullgaria dërgon kontingjent ushtarak në Kosovë

March 20, 2025 User2

Në Blagoevgrad u mbajt një ceremoni zyrtare për dërgimin e një kontingjenti të Komandës së Brigadës së Tretë, e cila do të marrë pjesë në Forcën Rezervë Operacionale të Forcës Stabilizuese të NATO-s në Kosovë.

Priftërinjtë shërbyen me lutje solemne për shëndet dhe kthim të suksesshëm nga misioni, ndërsa fjalimet u mbajtën nga kryetari i Komunës së Blagoevgradit Metodi Bajkushev dhe guvernatori i rajonit të Blagoevgradit, Georgi Dinev.

“Ushtria bullgare kontribuon në sigurinë dhe stabilitetin e Ballkanit Perëndimor, tha gjatë ceremonisë shefi i mbrojtjes Admirali Emil Eftimov” njofton Agjencia Telegrafike Bullgare (BTA).

Lexo më shumë Sallahu: PZAP legjitimoi keqpërdorimin e votave me postë, të orkestruara nga LDK-ja

Ai vuri në dukje se 120 persona do të dërgohen nga Komanda e Brigadës së Tretë të Blagoevgradit në zonën e misionit për të paktën tre muaj.

“Jam i kënaqur me përgatitjen dhe gatishmërinë. Urdhri ka ardhur të premten, të mërkurën tashmë po i dërgojmë, që do të thotë se certifikatat që kanë kaluar më herët dhe gatishmëria që e ruajnë kanë qenë në nivelin e duhur dhe ne mund të reagojmë brenda afateve të përcaktuara”, ka theksuar Eftimov.

Lexo më shumë Ministria e Punëve të Jashtme së Kosovës dënon ashpër deklaratën e fundit të Serbisë në lidhje me memorandumin trepalësh të nënshkruar mes Kosovës, Kroacisë dhe Shqipërisë. Kjo deklaratë nuk është vetëm agresive dhe kërcënuese, por gjithashtu përbën një shkelje të hapur të Marrëveshjeve të Brukselit

Ai falënderoi zëvendëskomandantin e Forcave Tokësore dhe Komandantin e Komandës së Brigadës së Tretë në Blagoevgrad.

“Është hera e parë që marr pjesë në një mision të tillë, nuk kam asnjë shqetësim, ndihem mirë e përgatitur dhe e motivuar”, tha Anelia Petrova nga Komanda e Brigadës së Tretë.

Ceremonia u mbyll me një marshim të personelit ushtarak.

Rruga Press