“Breakdancing” pranohet si sport olimpik

“Breaking”, një formë e “breakdancing”, është konfirmuar në programin e Lojrave Olimpike “Paris 2024”. Sporti i ri do t’i bashkohet skejtbordit dhe alpinizmit, dy sporteve të tjera të reja që do të debutojnë në Olimpiadën e shtyrë të Tokios, që do të zhvillohet në vitin 2021.

“Olimpiada do të fitojë dashamirës të rinj, të cilët nuk janë ndjekës të sporteve tradicionale”, tha britaniku Karam Singh për BBC.

Konkurrentët në “breaking” do të gjykohen për aftësitë teknike, por edhe për kreativitetin dhe stilin.

Në Olimpiadën e Parisit mendohet se do të marrin pjesë rreth 10 500 sportistë.