Bilanci tregtar Kosovë-Shqipëri thyen rekord me rreth 440 milionë euro
Aleanca Kosovare e Bizneseve (AKB) ka bërë një studim rreth shkëmbimeve tregtare Kosovë Shqipëri për vitin 2023 ,nga kjo del se ato janë rritë dukshëm në krahasim me vitin 2022.
Kryetari i AKB-ës Agim Shahini, tha se shkëmbimet tregtare mes dy shteteve tona Kosovë-Shqipëri për vitin 2023 thyen rekordin me importe dhe eksporte mes bizneseve.
“Kosova ka importuar nga Shqipëria rreth 326 milionë euro kurse bizneset e Kosovës kanë eksportuar 113 milion euro. Nëse e krahasojmë me vitin 2022 shkëmbimet tregtare ishin 356 milionë euro ,kurse 2023 ishim 439 milionë euro apo rritje rreth 83 milionë euro ose mbi 23% më shumë”, tha ai.
Kryetari i AKB-së Agim Shahini vlerësoi se pavarësisht raporteve politike dhe qeveritare, bizneset, qytetarët dhe konsumatorët në të dy anët po rrisin bashkëpunimin dhe besimin e ndërsjellët në të mirë të rritjes së ekonomisë kombëtare.
Rruga Press