Bilanci i OKB për luftën: 6.5 milionë ukrainas kanë lënë shtëpitë e tyre

Agjencia e Kombeve të Bashkuara për Emigracion tha të premten se rreth 6.5 milionë njerëz janë zhvendosur brenda Ukrainës, ndërsa 3.2 milionë të tjerë tashmë janë larguar nga vendi.

Kjo do të thotë se rreth një e katërta e 44 milionë njerëzve të Ukrainës janë detyruar të largohen nga shtëpitë e tyre.

Vlerësimet nga Organizata Ndërkombëtare për Emigracionin thonë se Ukraina mund të arrijë në vetëm pak javë nivelin e zhvendosjes së popullatës që kishte ndodhur si pasojë e luftës shkatërruese në Siri, ku rreth 13 milionë njerëz ishin zhvendosur nga shtëpitë e tyre si brenda ashtu edhe jashtë vendit.

Rruga Press