Bie numri i ukrainasve që kalojnë kufirin me Poloninë

Numri i njerëzve që po ikin nga Ukraina për në Poloni ka filluar të bjerë ditët e fundit, me 30,500 kalime të premten, apo 6.4% më pak nga një ditë më parë, ka bërë të ditur të shtunën Roja Kufitare Polake.

Deri në orën 06:00 të së shtunës sipas kohës lokale, 6.100 njerëz kishin kaluar, që i bie 11% më pak nga e njëjta kohë e së premtes, raporton BBC.

Më shumë se 2.2 milionë njerëz kanë kaluar në Poloni që nga fillimi i luftës, kanë raportuar autoritetet ukrainase në Twitter.

Disa nga ukrainasit janë larguar tashmë nga Polonia, por eksperti i migracionit në Universitetin e Varshavës, Maciej Duszczyk vlerëson se rreth 1.2-1.3 milionë refugjatë mbeten.

Ndërkohë, më shumë se 300,000 njerëz kanë hyrë në Ukrainë nëpërmjet Polonisë që nga fillimi i luftës.

Rruga Press