Bie interesi për mjekësinë, maturantët i tremben mbajtjes “peng” të diplomës

Për herë të parë këtë vit, maturantët që kanë aplikuar në programin “Mjekësi e Përgjithshme”, do të zhvillojnë testimin e informatizuar pranë Qendrës së Shërbimeve Arsimore nga data 10 deri më 20 gusht. Në krahasim me vitin e kaluar, numri i aplikantëve ka rënë me 40 %. Studentët aktualë i lexojnë shifrat si një pasojë e ligjit që iu mban peng diplomën dhe I’u heq mundësinë për tu specializuar në shtete të tjera.

Sakaq, Ministria e Arsimit e konsideron ligjin në interesin e shumicës së popullsisë, ndërsa këtë vit është rritur edhe numri i kuotave në dispozicion duke shkuar në rreth 500 të tilla.

Presidenti nuk e ka thënë ende fjalën e fundit nëse ligji për studentët e mjekësisë do të dekretohet apo jo. Ndërkohë, maturantët që do ti nënshtrohen konkursit, do të duhet që paraprakisht të firmosin një deklaratë ku pranojnë kushtet e vendosura nga shteti.

Rruga Press