Bideni do t’i kërkojë Kinës të mos e armatosë Rusinë

Presidenti amerikan Joe Biden do t’i kërkojë Kinës që të mos i sigurojë Rusisë pajisje ushtarake për luftën e saj në Ukrainë, kur ai të flasë me homologun e tij kinez Xi Jinping në telefon të premten, raporton BBC.

Zyrtarët amerikanë kanë kritikuar Pekinin për dështimin që ta dënojë pushtimin.

Bideni të enjten e ka quajtur presidentin rus Vladimir Putinin një “bandit të pastër” dhe një “diktator vrasës” i cili po bënte “luftë imorale” kundër njerëzve të Ukrainës.

Këto deklarata erdhën pasi Bideni e quajti Putinin “kriminel lufte” të mërkurën, duke shprehur kështu një retorikë të ashpër.

Në përgjigje, zëdhënësi i Kremlinit, Dmitry Peskov, ka thënë se komentet e Bidenit ishin “krejtësisht të papranueshme dhe të pafalshme”.

Rruga Press