Biden-Putin, Shtëpia e Bardhë mohon zërat për marrëveshje

Presidenti amerikan Joe Biden dhe homologu rus Vladimir Putin duhet ende të bien dakord për vendin dhe kohën për një takim eventual mes tyre.

Zëdhënësja e Shtypit e Shtëpisë së Bardhë Jan Psaki tha se presidenti Joe Biden “nuk ka rënë dakord për kohën dhe vendin e bisedimeve të reja me presidentin rus Vladimir Putin”.

Ajo gjithashtu hodhi poshtë kritikat e kreut të Kremlinit se Shtetet e Bashkuara dhe aleatët e tyre ishin përgjegjës për tensionet në kufirin mes Rusisë dhe Ukrainës.

Ajo tha se faktet e bëjnë të qartë se i vetmi agresion që po shihet në kufirin e Rusisë me Ukrainën, është rritja e pranisë ushtarake nga ana e Moskës dhe retorika luftarake e udhëheqësit rus.

Zonja Psaki i referohej komenteve të presidentit rus gjatë një konference për shtyp me rastin e fundvitit, i cili tha se shpresonte se negociatat, të cilat do të nisnin në fillim të vitit të ardhshëm dhe në Gjenevë, do të ishin të frytshme.

Megjithatë Shtëpia e Bardhë, tha se për asnjë nga këto detaje nuk është rëndë dakord.

Rruga Press