Biden për Putinin: Kush ,për atë Zot, mendon ai se i jep të drejtën e “fillimit të një pushtimi rus të Ukrainës”

Presidenti i SHBA Joe Biden i përshkroi ngjarjet që po ndodhin tani në Ukrainë si “fillimi i një pushtimi rus të Ukrainës”, ndërsa ai zbuloi sanksione të reja të ashpra për të ndëshkuar Moskën.

“Unë do të filloj të vendos sanksione si përgjigje, shumë përtej hapave që ne dhe aleatët dhe partnerët tanë zbatuam në 2014. Dhe nëse Rusia shkon më tej me këtë pushtim, ne jemi të përgatitur të shkojmë më tej me sanksionet,” tha Biden në Shtëpinë e Bardhë.

“Kush, për atë Zot, mendon Putini se i jep të drejtën të shpallë të ashtuquajturat shtete të reja në territorin që u përket fqinjëve të tij?” pueti Bideni. “Kjo është një shkelje flagrante e ligjit ndërkombëtar dhe kërkon një përgjigje të fortë nga komuniteti ndërkombëtar.”

Përshkrimi i Bidenit për veprimet e Rusisë në Ukrainë rrit menjëherë rrezikun për përgjigjen e tij. Ai dhe zyrtarë të tjerë të lartë janë zotuar të imponojnë pasoja të rënda ekonomike nëse trupat ruse kalojnë në Ukrainë, duke përfshirë anëtarët e rrethit të brendshëm të Putinit dhe institucionet financiare ruse.

Por Bideni pret gjithashtu t’i mbajë rezervë disa nga masat e tij më të ashpra, duke pritur t’i përdorë ato nëse Putini kryen llojin e sulmit të përgjakshëm dhe të vazhdueshëm që zyrtarët amerikanë kanë paralajmëruar prej javësh.

Administrata filloi t’i përshkruante ngjarjet në Ukrainën lindore si një “pushtim” pasi vlerësoi situatën atje në terren, sipas zyrtarëve të administratës.

©Rruga Press