Biden: Kina ka probleme të mëdha

Presidenti i Shteteve të Bashkuara të Amerikës, Joe Biden, ka thënë se Kina ka probleme të mëdha, por pa e elaboruar se për çka bëhet fjalë, sipas një grupi të gazetarëve që përcjellin ngjarjet në Shtëpinë e Bardhë, shkruan Telegraph.

Grupi i gazetarëve citoi fragmente nga fjalimi i Bidenit në një mbledhje fondesh për fushatën, më pas presidenti i SHBA-së vazhdoi të fliste për Kinën, duke thënë se ka “probleme të mëdha”. Por ka shtuar se nuk do të japë detaje të tjera.

Edhe në të kaluarën, Biden ka folur për “problemet e mëdha të Kinës”. Më herët, ai ka thënë se bëhet fjalë për probleme të natyrës ekonomike.

Megjithatë, presidenti i SHBA-së ka deklaruar se nuk do një konflikt me shtetin aziatik.

Rruga Press