Biden i kërkon Kongresit fonde shtesë për Ukrainën
Presidenti amerikan Joe Biden ka thënë se administrata e tij po punon ngushtë me Kongresin për të siguruar fonde shtesë për Ukrainën.
Biden e bëri deklaratën gjatë një bisede telefonike me homologun e tij ukrainas Volodymyr Zelensky të shtunën. Presidenti amerikan përsëriti mbështetjen e tij për Ukrainën dhe vlerësoi aftësinë dhe guximin e qytetarëve dhe trupave të saj.
Një komunikatë për shtyp e Shtëpisë së Bardhë për telefonatën nuk përmendi kërkesat e përsëritura të Zelensky për ndihmë në krijimin e një zone ndalim-fluturimi mbi Ukrainë.
SHBA dhe vende të tjera të NATO-s kanë refuzuar kërkesa të tilla për shkak të shqetësimeve se mund të përshkallëzojë konfliktin.
Në vend të kësaj ata janë fokusuar në vendosjen e sanksioneve të ashpra ekonomike ndaj Rusisë dhe disa prej njerëzve të saj më të pasur.
Ata gjithashtu kanë ofruar ndihmë ushtarake, mjekësore dhe humanitare për Ukrainën.
Rruga Press