Bekim Qoku: Me ne vazhdon ndryshimi, me ata stagnimi. Qeveria VLEN miraton lehtësimin në Qafëthanë

Deputet i kuvendit të Maqedonisë së Veriut, Bekim Qoku, ka deklaruar se ndryshimi në vend po vazhdon dhe se së shpejti do të ketë një lehtësim të madh për qytetarët në pikën kufitare Qafëthanë.

Në një postim në rrjetet sociale, Qoku njoftoi se në fillim të nëntorit, qeveria VLEN do të miratojë regjimin “One-Stop-Shop” në Qafëthanë, një sistem hyrje-hyrje i ngjashëm me atë që zbatohet tashmë me Kosovën.

Sipas tij, vonesat kanë ardhur për shkak të zgjedhjeve në Shqipëri, por tashmë pengesat janë hequr dhe procesi do të ecë përpara.
“Do t’i japim fund nervozave, lodhjeve dhe pritjeve të panevojshme në kufi. Me ne vazhdon ndryshimi, me ata stagnimi. Na matni me punët e kryera, jo me premtime të stërthëna!”, ka shkruar Qoku.

Rruga Press