Bedri Hamza “vjedhë” projektet e Qeverisë Kurti

Këtë vit të ri, kandidati i PDK-së për kryeministër e njëkohësisht Kryetari i Komunës së Mitrovicës, e nisi fushatën elektorale me një lajmërim në llogarinë e tij në Facebook për përurimin e dy qendrave shëndetësore në Mitrovicë.

Ky njoftim e imazh që për qëllim pati ngrohjen e zemrave të mbështetësve të Hamzes për zgjedhjet që po vijnë, u bë sa i dëmshëm për të, aq dhe qesharak.

Hamza, duke dashur të dalë bukur dhe punëtor, veç na rikujtoi edhe njëherë ndikimin e paketave të Qeverisë së Kosovës në tranformimin e komunave dhe njësive shëndetësore në mbarë vendin.

Ky projekt ishte prezatuar vetëm 2 muaj më parë, saktësisht në 8 nëntor 2024, nga Ministrja Rizvanolli dhe është mundësuar nga grantet e Ministrisë së Ekonomisë dhe Fondi për Efiçencë të Ekonomisë.

Hamza edhe njeherë na kujton vesin e gjithëditur të ish-qeveritarëve, tanimë në opozitë, për të vjedhur, kësaj radhe projektet e Qeverisë Kurti.

Në rast dështimi në zgjedhjet e 9 shkurtit, burime të ndryshme thonë se Hamza pritet të aplikojë për rolin e përuruesit të projekteve të Qeverisë Kurti 3, për të cilin tashmë edhe po e plotëson CV-në.

Rruga Press