BE zgjat edhe për 6 muaj të tjerë sanksionet ndaj Rusisë, Kaja Kallas: Moska duhet të paguajë për dëmin që po shkakton

January 27, 2025 User2

Shefja e politikës së jashtme të Bashkimit Evropian (BE), Kaja Kallas ka njoftuar përmes një postimi në “X” se ministrat e Jashtëm të BE kanë rënë dakord për të zgjatur sërish sanksionet ndaj Rusisë.

“Ky vendim do të vazhdojë të privojë Moskën nga të ardhurat për të financuar luftën e saj. Rusia duhet të paguajë për dëmin që po shkakton”, thekson Kallas në postimin e saj.

Lexo më shumë Meloni nën hetim për shpërdorim detyre, akuzohet se liroi komandatin libian që kërkohej nga Gjykata e Hagës

Europe delivers: EU Foreign Ministers just agreed to extend again the sanctions on Russia.

This will continue to deprive Moscow of revenues to finance its war.

Russia needs to pay for the damage they are causing.
— Kaja Kallas (@kajakallas) January 27, 2025

Sanksionet ekonomike të vendosura ndaj Moskës skadonin më 31 janar dhe ministrat e jashtëm të BE-së ranë dakord t’i zgjasin ato për gjashtë muaj të tjerë.

Blloku prej 27 anëtarësh rinovon sanksionet çdo gjashtë muaj dhe për këtë nevojitet unanimitet nga të gjitha vendet anëtare. Muajin e kaluar, BE miratoi paketën e saj të 15-të të sanksioneve kundër Rusisë që nga fillimi i luftës kundër Ukrainës më shkurt 2022.

Lexo më shumë Rutte thirrje anëtareve të NATO-s: Kaloni shpenzimet ushtarake mbi 2%

Rruga Press