BE-ja “hap thesin” – Propozohet shuma për të ndihmuar financiarisht Ukrainën

Sipas raportimeve të CNN-it, Ursula von der Leyen, e cila është presidente e Komisionit Evropian, tha të mërkurën se ka propozuar mbështetje financiare për Ukrainën në shumën prej 9 miliardë eurove.

“Ne do të vazhdojmë të jemi pranë Ukrainës gjatë gjithë kësaj lufte dhe kur ata do të rindërtojnë vendin e tyre,” tha von der Leyen gjatë deklaratës së ditës së sotme.

“Sigurisht që ne duhet të mendojmë për të nesërmen dhe përpjekjet për rindërimtin e vendit”, vijoi ajo, duke theksuar se BE-ja ka “interes strategjik për të udhëhequr përpjekjet për rindërtimin e Ukrainës.”

Nga ana tjetër, kryediplomati i politikës së jashtme të BE-së, Josep Borrell, para pak ditësh njoftoi se blloku do të miratojë 500 milionë euro shtesë ndihmë ushtarake për Ukrainën.

Rruga Press