BBC vjen me një ‘numër të konfirmuar’ të ushtarëve të vdekur të Rusisë në Ukrainë – që është tetë herë më i lartë se numri zyrtar i dhënë nga Moska

Numri i ushtarëve të vdekur të Rusisë në Ukrainë tani ka kaluar shifrën 50,000.

Kështu shkruan mediumi prestigjioz BBC, i cili konfirmon këto shifra.

Sipas mediumit në fjalë, në 12 muajt e dytë në vijën e parë – ndërsa Moska e shtyu një strategji të re të saj – zbulohet se numri i trupave ishte gati 25% më i lartë se në vitin e parë.

BBC Russian, grupi i pavarur mediatik Mediazona dhe vullnetarët kanë numëruar vdekjet që nga shkurti i vitit 2022.

Dhe varret e reja në varreza ndihmuan në sigurimin e emrave të shumë ushtarëve.

Ekipet gjithashtu kërkuan informacione me burim të hapur nga raportet zyrtare, gazetat dhe mediat sociale.

Më shumë se 27,300 ushtarë rusë vdiqën në vitin e dytë të luftimit – sipas gjetjeve të BBC – një reflektim se si fitimet territoriale kanë ardhur me një kosto të madhe njerëzore.

Rusia ka refuzuar të komentojë.

Dhe numri i përgjithshëm i vdekjeve – prej më shumë se 50,000 – është tetë herë më i lartë se i vetmi pranim publik zyrtar i numrave të vdekjeve të dhëna ndonjëherë nga Moska në shtator të vitit 2022.

Përveç kësaj, numri aktual i vdekjeve ruse ka të ngjarë të jetë shumë më i lartë.

Ndërkohë, Ukraina rrallë komenton shkallën e viktimave të saj në fushën e betejës.

Në shkurt, presidenti Volodymyr Zelensky tha se 31,000 ushtarë ukrainas ishin vrarë – por vlerësimet, bazuar në inteligjencën amerikane, sugjerojnë humbje më të mëdha.

Rruga Press