‘Bashkësia ndërkombëtare duhet të punojë së bashku për të siguruar evakuime të sigurta’ kryeministri britanik thërret mbledhje urgjente të G7

Kryeministri britanik pritet t’i kërkojë presidentit amerikan, Joe Biden të mbajë forcat amerikane në Afganistan përtej 31 gushtit në mënyrë që të lejojë vazhdimin e fluturimeve të evakuimit.

Sipas BBC, Boris Johnson do ta bëjë kërkesën në një takim urgjent të udhëheqësve botërorë nga vendet e G7 të martën.

”Është jetike që bashkësia ndërkombëtare të punojë së bashku për të siguruar evakuime të sigurta, për të parandaluar një krizë humanitare dhe për të mbështetur popullin afgan për të siguruar fitimet e 20 viteve të fundit”.-tha Johnson.

Bisedimet midis grupit të vendeve të G7, kryesuesi i të cilave aktualisht është Mbretëria e Bashkuar, do të zhvillohen virtualisht dhe kuptohet që fokusi kryesor do të jetë në të ardhmen afatgjatë të Afganistanit.

Mbretëria e Bashkuar po eksploron gjithashtu se si mund të krijohen qendra në vendet në kufi me Afganistanin për të ndihmuar ata që kanë punuar për forcat britanike të arrijnë në Mbretërinë e Bashkuar pasi fluturimet jashtë Kabulit të mos jenë më të mundshme.

Mijëra njerëz janë grumbulluar jashtë aeroportit të Kabulit, të dëshpëruar për t’u larguar pasi talebanët erdhën në pushtet. SHBA synon të tërheqë të gjithë trupat deri në fund të muajit.

Rruga Press