Banorët e Dibrës protestojnë. Skavica rrezikon 35 fshatra

Qytetarët e Dibrës dolën ditën e hënë në protestë në vendin kur do ndërtohet HEC-i i Skavicës. Ata kanë dalë për të kundërshtuar këtë projekt i cili zhduk mijëra hektarë tokë dhe çon në rrezikun e zhdukjes 35 fshatara të Dibrës. Banorët e fshatarave pasi kanë listuarpasojat e dëmet që ky projekt sjell, i kanë thirrje deputetëve të qarkut që të ngrenë zërin dhe të kundërshtojnë projektin

Ata kanë bërë gjithashtu thirrje dhe paralajmërime të forta edhe ndaj qeverisë.

Banorët e Dibrës kundërshtojnë ndërtimin e hidrocentralit, pasi do të sjellë pasoja të mëdha për zonën.

Mbi 35 fshatra të Dibrës do të zhduken përfshirë dhe 16 mijë hektarë tokë bujqësore.

Protestuesit kanë paralajmëruar deputetët e qarkut të Dibrës se do të përballen me banorët, nëse nuk kundërshtojnë projektin.

Prej kohësh, komuniteti dibran dhe shoqatat ambientaliste kundërshtojnë nëpërmjet protestave dhe takimeve të ndryshme, ndërtimin e digës prej 485 metra lartësi në zonën e Skavicës.

Kjo digë, e parashikuar të ndërtohet në luginën e lumit Drin i Zi, pritet të sjellë pasoja të mëdha për zonën e Dibrës.

Rruga Press