‘Ballkani i Hapur’, 5 marrëveshjet që pritet të firmosin Rama, Vuçiç dhe Zaev

Kryeministri Edi Rama ka mbërritur mëngjesin e sotëm në ambientet e Pallatit të Brigadave për samitin e  “Ballkanit të Hapur”, ku do të marrin pjesë presidenti i Serbisë Aleksandër Vuçiç dhe kryeministri i Maqedonisë së Veriut, Zoran Zaev.

Këta të fundit mbërritën mbrëmjen e kaluar në Shqipëri. Rama i priti me darkë mirëseardhje në Elbasan duke shmangur kështu udhëtimin për në Tiranë, ku po mbahej protesta e thirrur nga Sali Berisha kundër ardhjes së Vuçiç.

Në takimin e sotëm pritet të nënshkruhen 5 marrëveshje. Marrëveshja e parë që do të nënshkruhet nga Rama, Vuçiç e Zaev është për kushtet për qasjen e lirë në tregun punës.

Marrëveshjet e tjera kanë të bëjnë me skemat e përbashkëta për identifikimin elektronik të qytetarëve në pikat kufitare, për bashkëpunimin në fushën e sigurisë ushqimore, për njohjen e ndërsjellë dhe për operatorët ekonomikë.

Ndërkohë, Kosova, Mali i Zi dhe Bosnja e Hercegovina nuk kanë pranuar të jenë pjesë e kësaj nisme, pasi janë shtete që kanë konflikte të hapura me Serbinë dhe rrezikojnë shtetësinë nëse bien nën hegjemoninë Serbe. Këtë gjë Rama e di, por po duket se nuk i përbën aspak problem atij.

Rruga Press