Azem Vllasi, nga kritik i demonstratave të ’81-s te kritik i Vetëvendosjes

Shkruan Frashër Oseku

Vetëm në Kosovë ndodh që Azem Vllasi, njeri i lindur dhe rritur si pionier i regjimit të Titos, të dalë sot dhe të flasë si zë i moralit kombëtar. Ky funksionar i lartë i Jugosllavisë, që në vitet 1980 ishte kryetar i Krahinës Autonome të Kosovës (1985-1988), nuk ka asnjë drejtë ta fajësojë Lëvizjen Vetëvendosje për “çipa komunistë”, kur vetë ai është produkt i një sistemi që shtypi shqiptarët për dekada.

Azem Vllasi ishte bythelëpirësi tipik i Lidhjes Komuniste të Jugosllavisë, një njeri i përkëdhelur i regjimit që ia mohoi Kosovës çdo shpresë për liri dhe drejtësi. Ai ishte njëri prej atyre që shau demonstratat e vitit 1981, duke i quajtur separatistë dhe armiq të shtetit, ndërkohë që shqiptarët luftonin për të drejtat elementare.

Nuk ka asnjë kontradiktë më të madhe se fakti që ky njeri, që ishte pjesë e elitës komuniste dhe që për vite me radhë mbajti postet e pushtetit, sot del dhe akuzon ata që luftojnë për ndryshim. Ai që për dekada mbajti fronin e partisë dhe që bëri karrierë duke lëpirë pushtetin, sot shfaqet si mbrojtës i vlerave demokratike.

Kjo nuk është vetëm hipokrizi, është edhe një turp kombëtar. Ai është dëshmi e qartë se sa larg është shkuar nga e kaluara dhe sa shumë njerëz duan të fshehin të vërtetën për të mbrojtur interesat e tyre personale. Azem Vllasi nuk është askush tjetër veçse një produkt i së shkuarës së errët komuniste, dhe çdo përpjekje e tij për të përqeshur të tashmen është vetëm një maskaradë për të mbuluar të vërtetën.

Kosova meriton më shumë se nostalgjikët e sistemit të vjetër dhe njerëzit që akoma jetojnë me frymën e komunizmit në shpirt.

Rruga Press