Avioni rus Su-25 rrëzohet mbi qytetin e Kharkiv, publikohen pamjet
Oleg Synegubov, guvernatori i rajonit të Kharkiv, qytetit të dytë më të madh pas Kievit, pretendon se ushtria ukrainase ka rrëzuar mëngjesin e së hënës një avion rus.
Synegubov pretendon se avioni Su-25 u shkatërrua mbi qytetin e Kharkiv, ndërsa është shpërndarë edhe një video në rrjetet sociale nga momenti i rrëzimit të avionit.
Në video duket avioni teksa shpërthen në ajër pasi goditet nga dy raketa SAM, tokë-ajër, ndërsa mbetjet shpërthyen sërish pasi ranë në tokë.
Forcat e Armatosura të Ukrainës pretendojnë se deri tani kanë arritur të shkatërrojnë 44 avionë dhe 44 helikopterë rusë.
Rruga Press