Arrestohet ish Presidenti, Ilir Meta

Është arrestuar me urdhër të SPAK, kreu i Partisë së Lirisë, Ilir Meta. 

Mësohet se ndalimi i tij është bërë nga agjentë të Byrosë Kombëtare të Hetimit.

Aktualisht është rrugës për të mbërritur në drejtorinë e policisë së Tiranes, nën masa të forta sigurie.

Meta ka qenë nën hetim për çështjen e njohur si “CEZ-DIA” dhe lobimi në SHBA. Ai është paraqitur disa herë për t’u marrë në pyetje në prokurorinë e posaçme. 

Kreu i PD-së, Sali Berisha ka qenë në konferencë për shtyp kur u mësua lajmi i arrestimit të ish presidentit dhe ka deklaruar se bëhet fjalë për një “persekutim politik me urdhër të Edi Ramës”.

Rruga Press