Amnesty International: Rusia po gënjen për ‘raketat precize’

Grupi për të drejtat e njeriut Amnesty International ka akuzuar Rusinë se ka treguar një “mospërfillje të hapur” për jetën civile gjatë pushtimit të Ukrainës.

Grupi pretendon se Rusia po gënjen për përdorimin e armëve të drejtuara me precizion – dhe në vend të kësaj po kryen sulme pa dallim duke përdorur raketa balistike dhe armë të tjera shpërthyese.

Këto sulme mund të përbëjnë krime lufte, thotë kjo organizatë.

Në një raport të lëshuar të premten, organizata vuri në dukje tre incidente që lanë gjashtë civilë të vdekur dhe 12 të tjerë të plagosur që nga fillimi i pushtimit të enjten.

Humbja më e madhe e jetëve erdhi kur një raketë goditi një spital në rajonin e Donetskut, në Ukrainën lindore, të premten në mëngjes. Katër civilë u vranë dhe 10 të tjerë u plagosën.

Rruga Press