Ambasadorët shqiptarë dalin në krah të Ukrainës

February 2, 2022 user 1

Këshilli i Ambasadorëve Shqiptarë ka reaguar në lidhje me situatën në Ukrainë.

Reagimi ka ardhur pas takimit me ambasadorin e Ukrainës në Tiranë, Volodymyr Shkurov.

‘Kënaqësi të kishim mes nesh sot të ftuar Ambasadorin e Ukrainës Sh.T.Z. Volodymyr Shkurov me të cilin patëm një shkëmbim të vyer opinionesh dhe informacionesh në lidhje me zhvillimet shqetësuese rreth Ukrainës.

Lexo më shumë Raporti i Bankës Botërore: Punësimi në Shqipëri s’bazohet në meritë! Talentet nuk shpërblehen në administratën publike

Këshilli i Ambasadorëve Shqiptarë, konsideron se çdo kërcënim për Ukrainën përbën një shkelje të rëndë të së drejtës ndërkombëtare dhe një kërcënim serioz edhe për sigurinë evropiane dhe bën thirrje për zgjidhjen e mosmarrëveshjeve me negociata.

Shqipëria, edhe si vend anëtar i NATO-s dhe anëtar jo i përhershëm i Këshillit të Sigurimit të Kombeve të Bashkuara, është në krah të Ukrainës në mbrojtje të sovranitetit dhe integritetit territorial të saj’, shkruhet në reagimin e Këshillit të Ambasadorëve Shqiptarë.

Lexo më shumë Kurti priti në takim përfaqësues të BERZh-it, diskutohen investime deri në 400 milionë euro deri në vitin 2027

Rruga Press