Ambasada amerikane reagon pas deklaratave serbomëdha të Vulinit

Ambasada amerikane në Serbi ka njoftuar sot se deklarata e ministrit të Brendshëm serb, Aleksandar Vulin për bashkimin e të gjithë serbëve në një shtet nuk është në përputhje me Marrëveshjen e Dejtonit dhe as me aspiratat evropiane të Serbisë.

“Marrëveshja e Paqes së Dejtonit ruan paqen dhe stabilitetin. Të gjitha qeveritë dhe të gjithë presidentët e Serbisë e kanë mbështetur deri më tani. Komentet e Ministrit të Brendshëm për bashkimin e të gjithë serbëve në një shtet nuk janë në përputhje me Marrëveshjen e Dejtonit dhe bien ndesh me integrimin e Serbisë në strukturat evropiane”, deklaroi ambasada në Twitter. Ndërkohë, Vulini deklaroi se e vetmja mënyrë që Ballkani të mbetet stabil është që serbët të jetojnë në një shtet.

“E vetmja mënyrë që Ballkani të mbetet stabil është që serbët të jetojnë në një shtet. Të gjitha konfliktet në Ballkan fillojnë me diskriminimin ndaj serbëve. Aty ku ata respektojnë të drejtat e serbëve, ata nuk kanë asnjë problem me ‘botën serbe’”, tha ai, raporton Danas.

Rruga Press