Alexei Navalny e priste që do të vdiste në burg, sipas librit të tij të kujtimeve

Lideri i shquar i opozitës ruse për një dekadë, Alexei Navalny, besonte se do të vdiste në burg, sipas kujtimeve të tij.

Si një kritik i ashpër i presidentit rus, Vladimir Putin, ai vdiq në një burg të Rrethit Arktik në shkurt, ndërsa vuante dënimin prej 19 vjetësh burgim me akuza për ekstremizëm, që shiheshin gjerësisht si të motivuara politikisht. 

“New Yorker” dhe “The Times” kanë botuar pjesë nga libri, e ku përfshihen edhe përjetimet e tij që i kishte kaluar si i burgosur.

“Do ta kaloj pjesën tjetër të jetës në burg dhe do të vdes këtu”, kishte shkruar ai më 22 mars 2022.

“Nuk do të kem askënd për t’i thënë lamtumirë… Të gjithë përvjetorët do të festohen pa mua. Nuk do t’i shoh kurrë nipërit e mi”, thuhet më tej në librin e kujtimeve.

Vdekja e Navalnyt në fillim të këtij viti u prit me tronditje dhe zemërim nga e gjithë bota, me homazhe për forcën e tij si një aktivist politik.

Shumë fajësuan Putinin për vdekjen e tij. Megjithatë, menjëherë pas kësaj, Kremlini deklaroi se ishte në dijeni se ai kishte vdekur.

Në gusht të vitit 2020, Navalny ishte helmuar në fund të një udhëtimi në Siberi me një agjent nervor Novichok.

Ai filloi të shkruajë librin e tij të kujtimeve, “Patriot”, teksa i nënshtrohej trajtimit specialistik në Gjermani.

I shëruar, ai u kthye në Moskë në janar të vitit 2021 dhe u dërgua menjëherë në paraburgim.

Navalny kaloi 37 muajt e mbetur të jetës së tij në burg, gjatë së cilës kohë ai mbajti shënimet e ditarit të mbledhura në kujtimet e tij.

“Patriot” do të lansohet më 22 tetor. Botuesi i saj amerikan Knopf po planifikon gjithashtu një version rus të tij.

Rruga Press