Aksioni anti-drogë në Vlorë, Policia: Janë arrestuar 27 persona, 5 të tjerë në kërkim

Policia e Vlorës njofton se gjatë operacionin anti-drogë “Hapësira” janë arrestuar 27 persona, pasi një hetimi 6-mujor.

Të 27 personat akuzohen për “Prodhimi dhe shitja e narkotikëve” dhe “Kultivimi i bimëve narkotike”. Sipas policisë është ushtruar kontroll në 41 banesa.

“Strukturat e Drejtorisë Vendore të Policisë Vlorë, nën drejtimin e Prokurorisë së Rrethit Gjyqësor Vlorë, si rezultat i një hetimi gjashtëmujor për parandalimin dhe goditjen e veprimtarisë kriminale në fushën e trafikimit dhe kultivimit të bimëve narkotike, si rezultat i provave të grumbulluara gjatë hetimit, organizuan dhe finalizuan operacionin policor të koduar “Hapësira”. Në kuadër të këtij operacioni u bë e mundur kapja e 27 personave, për të cilët Gjykata e Rrethit Gjyqësor Vlorë kishte caktuar masat e sigurisë “Arrest në burg”. U ekzekutuan masat e sigurisë “Arrest në burg”, për veprat penale” dhe “Kultivimi i bimëve narkotike” të kryera në bashkëpunim, për shtetasit:

M. B., 56 vjeç, banues në Vlorë;  A. J., 60 vjeç, banues në Vlorë; Sh. I., 64 vjeç, banues në Vlorë;  D. T., 44 vjeç, banues në Poro, Vlorë; I. H., 63 vjeç, banues në Vlorë; M. M., 45 vjeç, banues në Vranisht, Himarë; B. G., 35 vjeç, banues në Kuç, Himarë; E. G., 35 vjeç, banues në Kuç, Himarë; S. L., 32 vjeç, banues në Kallarat, Himarë;  B. R., 61 vjeç, banues në Kallarat, Himarë;  Xh. Sh., 47 vjeç, banues në Kallarat, Himarë; H. Xh., 71 vjeç, banues në Kallarat, Himarë; A. D., 48 vjeç, banues në Gjirokastër; M. D., 29 vjeç banues në Fier. U ekzekutuan masat e sigurisë “Arrest në burg”, për veprën penale “Kultivimi i bimëve narkotike” kryer në bashkëpunim, për shtetasit: G. K., 69 vjeç, banues në Vlorë;  P. Gj., 52 vjeç, banues në Vlorë;  B. D., 40 vjeç, banues në Kallarat, Himarë;  E. M., 32 vjeç, banues në Tërbaç, Himarë;  D. GJ., 24 vjeç, banues në Tërbaç, Himarë;  K. GJ., 57 vjeç, banues në Tërbaç, Himarë;  O. Gj., 39 vjeç banues në Tërbaç, Himarë;  P. M., 25 vjeç, banues në Tërbaç, Himarë;  G. N., 68 vjeç, banues në Tërbaç, Himarë;  E. GJ., 29 vjeç banues në Tërbaç, Himarë; A. GJ., 44 vjeç banues në Vlorë; K. Sh,. 19 vjeç, banues në Vranisht, Himarë; R. H., 25 vjeç , banues në Vranisht, Himarë”, njofton Policia.

Ndërkohë, sipas uniformave blu janë lënë në arrest shtëpie 5 të ndaluar dhe për 5 të tjerë është dhënë masa e detyrim paraqitje. Po kështu janë shpallur në kërkim 4 persona që nuk u gjetën gjatë operacionit.

“U ekzekutuan masat e sigurisë “Arrest në shtëpi”, për veprat penale “Prodhimi dhe shitja e narkotikëve”,“Kultivimi i bimëve narkotike” dhe “Shpërdorim detyre” të kryera në bashkëpunim, për shtetasit:H. B., 77 vjeç, banues në Kuç, Himarë;  R. D., 45 vjeç, banuese në Gjirokastër; M. R., 53 vjeçe, banuese në Gjirokastër; P. C., 56 vjeç, banues në Bashaj, Himarë, me detyrë inspektor i pyjeve dhe kullotave në fshatrat Vranisht dhe Tërbaç, Himarë. I. GJ., 64 vjeç, banues në Tërbaç, Himarë, me detyrë inspektor i pyjeve dhe kullotave në fshatrat Vranisht, Himarë. U ekzekutuan masat e sigurisë “Detyrim për paraqitje”, për veprat penale “Prodhimi dhe shitja e narkotikëve”, “Kultivimi i bimëve narkotike” dhe “Moskallëzim krimi”, për shtetasit:S. F., 16 vjeç, banues në Kuç, Himarë; H. Sh., 66 vjeç banues në Vranisht, Himarë, me detyrë kryetar i fshatit Vranisht; V. L., 48 vjeç banues në Kuç, Himarë, me detyrë kryetar i fshatit Kuç;  Ç. F., 72 vjeç banues në Kuç, Himarë, me detyrë kryetar i fshatit Kuç;  A. B., 44 vjeç banues në Tërbaç, Himarë. Në vijim të operacionit u shpallën në kërkim, për veprat penale “Prodhimi dhe shitja e narkotikëve” dhe “Kultivimi i bimëve narkotike”, shtetasit: GJ., 50 vjeç, banues në Tërbaç, Himarë;  A. J.,36 vjeç., banues në Tërbaç, Himarë;  L. GJ., 25 vjeç , banues në Tërbaç, Himarë;  M. S., 36 vjeç, banues në Tiranë”, sqaron policia.

Gjatë periudhës hetimore gjashtëmujore janë asgjësuar një numër i konsiderueshëm bimësh narkotike canabis sativa, në territoret e Bashkive Selenicë dhe Himarë, ku janë sekuestruar 120.9 kg lëndë e dyshuar narkotike, 4 armë gjahu, dylbi, një pistoletë sportive, 39 telefona celularë.