Aksident në Tiranë, urbani i Unazës përplaset me disa mjete
Një aksident është regjistruar sot te zona e Shallvareve. Një autobus i linjës së Unazës është përplasur me të paktën katër automjete, teksa njëri prej tyre ka devijuar duke përfunduar në stacion.
Raportohet se ka tre të plagosur që janë nisur drejt spitalit të Traumës.
Policia ndodhet në vendngjarje dhe po punohet për sqarimin e plotë të aksidentit, me dëme në njerëz e po ashtu edhe materiale.
Tiranë /Informacion paraprak
Më datë 27.02.2023, rreth orës 11:35, në vendin e quajtur Ura e Tajvanit, një autobus i linjës së Unazës është përplasur me disa automjete.
Si pasojë janë dëmtuar 3 shtetas të cilët ndodhen nën kujdesin e mjekëve.
Në vendngjarje ndodhen shërbimet e ambulancës me stafin mjekësor dhe shërbimet e policisë.
Rruga Press