Administrata e Bidenit njofton sanksione ndaj më shumë zyrtarëve rusë

Administrata Biden njoftoi sanksione ndaj më shumë zyrtarëve rusë, përveç presidentit rus Vladimir Putin dhe ministrit të Punëve të Jashtme Sergej Lavrov.

Sipas një deklarate të Departamentit të Thesarit të SHBA-së, zyrtarët – anëtarë të Këshillit të Sigurisë Kombëtare të Rusisë – përfshijnë ministrin rus të Mbrojtjes Sergei Shoigu dhe shefin e Shtabit të Përgjithshëm të Forcave të Armatosura Ruse Valery Gerasimov.

Shtëpia e Bardhë kishte njoftuar më herët planet për të vendosur sanksione ndaj Putinit, duke e bërë atë objektivin e profilit më të lartë në përpjekjen për të imponuar kosto mbi ekonominë ruse dhe rrethin e brendshëm të Putinit.

©Rruga Press