A është Putini gjallë dhe a është punësuar një dubël për ta zëvendësuar atë, çfarë thotë ekspertja britanike për ‘njohjen e fytyrave’?
Presidenti rus Vladimir Putin është i gjallë, ka pohuar një eksperte nga Anglia e njohjes së fytyrave të njerëzve.
Shëndeti i Putinit dhe nëse ka një dubël kanë prej kohësh ushqim për spekulime mes shtypit, ekspertëve dhe madje edhe zyrtarëve të inteligjencës ukrainase.
Nga pretendimet se ai e ‘bëri në brekë’ pasi flitej se ishte i prekur me kancer për shkak të një takimi të anuluar, Kremlini nuk ka qenë në gjendje të largojë spekulimet.
Dhe nëse shëndeti i tij është përkeqësuar, Moska me sa duket ka në gatishmëri një dubël të tij – një nga tre dublat e 70-vjeçarit, sipas shefit të inteligjencës së Ukrainës.
Gjeneralmajori ukrainas Kyrylo Budanov tha në tetor: Pyetja e madhe është nëse Putini i vërtetë ekziston akoma?”.
Por sipas Simone Malik, një eksperte apo ‘super-njohëse’ dhe artiste portreti nga Bradford në West Yorkshire ka këmbëngulur se nuk ka klon të Putinit.
‘Super-njohësit’ janë njerëz që mund të mësojnë përmendësh dhe të kujtojnë fytyrat – edhe pas pamjeve më të shkurtra ose më të paqarta, të tilla si pamjet e kamerave të sigurisë me rezolucion të ulët.
Bazuar në “zonat kyçe” të fytyrës së tij, Simone thotë se është “pothuajse e sigurt” se Putini nuk po përdor një dubël për ta zëvendësuar.
Simone, 42-vjeçare, studioi hundën, veshët dhe buzët e Putinit pas paraqitjes së tij në Universitetin e Moskës javën e kaluar.
Ndonëse fytyra e Putinit është më e rrumbullakët dhe më e fryrë se më parë, kjo ka të ngjarë të jetë për shkak të “plakjes natyrale ose një gjendjeje shëndetësore themelore”.
“Ka zëra që qarkullojnë se ai ka përdorur një dubël ose ka vdekur”, tha ajo.
“Por bazuar në disa elemente kryesorë, nuk mendoj se është përdorur një dubël. Unë njoh një rrudhë në veshin e tij dhe pjerrësinë shumë të dallueshme në buzën e tij.
“Me buzët e tij, ju mund të shihni edhe në ditët e tij më të reja buzët e tij të pjerrëta në anën e majtë – kur ai buzëqesh, mund të shihni që fytyra e tij ulet në njërën anë. Është një zonë që është përkeqësuar me kalimin e moshës, por është ende atje.
“Me veshët e tij, njëra anë e veshëve të tij është pak e trashë dhe ai gjithashtu ka një rrudhë në vesh.
“Nëse shikoni një vesh njerëzor natyral ose mesatar, ai nuk e ka atë rrudhë shtesë – është një gjë përcaktuese për veshin e Putinit.
“Ai gjithashtu ka të njëjtën pjerrësi në hundë nga profili i tij anësor. Çdo kënd i fytyrës së tij në krahasim me Putinin më të ri përputhet”.
Ish-punonjësja e NHS-s shtoi se “ka qenë gjithmonë ai” dhe pamja e tij nuk ka ndryshuar kurrë në mënyrë drastike gjatë viteve.
“Fytyra e tij ka ndryshuar mjaft, dikur ka qenë pak më e shtrirë dhe tani është pak më e rrumbullakët me më shumë fryrje”, tha ajo.
“Por kjo është shumë në përputhje me plakjen natyrale ose çështjet themelore shëndetësore që mund të jenë të vazhdueshme.
“Lëkura e tij duket pak më ndryshe, dikur kishte një fytyrë më të nxirë, por jo shumë tani. Kjo mund të jetë për një sërë arsyesh – përsëri plakja, shëndeti ose ndoshta ka qëndruar pak kohë në diell.
Grupi i trajnimit dhe i mbështetjes “Agency Super Recognisers International” thotë se super-njohësit si Simone janë ‘superior ndaj softuerit të kompjuterizuar të njohjes së fytyrës’ dhe disa punojnë me policinë për të gjurmuar kriminelët.
Rruga Press