Fitoi betejën e 2 me tumorin! Adriana Matoshi gjendet në terapi pas ndërhyrjes

KOSOVË– Artistja e njohur, Adriana Matoshi, është në gjendje stabile shëndetësore. Për KlanKosova.tv e konfirmoi një mike e saj, e cila tregoi se operacioni ka kaluar me sukses dhe se tashmë ka dalë nga kujdesi intensiv.

“Është mirë, në gjumë, nën efektin e terapisë pas ndërhyrjes. Po kujdesem për të gjatë gjithë kohës, së bashku me familjarët e saj”, deklaroi mikja e saj që po i qëndron afër.

Më 29 nëntor, përmes një postimi në rrjetet sociale, Adriana tregoi se i ishte rikthyer tumori në tru, për të cilin ishte operuar nëntë vite më parë. Matoshi tha se para nëntë vitesh kur ka zbuluar tumorin ishte shtatzënë.

Rruga Press