Masakër në Kongo/ Rrebelët vrasin azilkërkuesit në kampin Ivo, të paktën 22 të vdekur

Të paktën 22 civilë u vranë të dielën në një sulm rrebel në verilindje të Republikës Demokratike të Kongos.

Kooperativa për Zhvillimin e Kongos (CODECO) kreu sulmin në kampin e njerëzve të zhvendosur në Ivo në shtetin Ituri, njoftuan mediat lokale.

Anëtarët e grupit të armatosur hapën zjarr ndaj azilkërkuesve dhe shumë njerëz u larguan nga kampi. Javën e kaluar, një sulm në të njëjtin kamp rezultoi në vrasjen e 29 civilëve.

Presidenti Felix Tshisekedi shpalli një rrethim ushtarak në shtetet e Kivu-së Veriore dhe Ituri më 7 maj për të garantuar sigurinë për shkak të dhunës në rritje. Zyrtarët civilë të rajonit u shkarkuan dhe u zëvendësuan nga zyrtarë ushtarakë si pjesë e rrethimit, shkruan AA.

Grupet e armatosura janë përpjekur të kontrollojnë arin, kobaltin dhe minierat e tjera në rajon për gati 20 vjet përmes sulmeve dhe përleshjeve në lindje të Republikës Demokratike të Kongos, e cila kufizohet me Ruandën, Ugandën dhe Burundin.

Rruga Press