Kurti/Nuk kemi pse përmendin fqinjin verior të Kosovës

Kryeministri i Kosovës Albin Kurti deklaroi se Kosova dhe Shqipëria po përparojnë me shpejtësi për njëra tjetrën. Ai u pyet për qëndrimin e Serbisë por nuk u ndal në këtë pikë duke theksuar se nuk është nevoja që sa herë të takohen dy palët, të përmendet fqinji verior i Kosovës.

“Besoj që duhet ta kemi një vlerësim edhe për këtë aspekt duke qenë se jemi dy shtete të pavarura dhe sovrane që kanë ndjeshmëri për rajonin dhe synim BE por nuk kanë nevojë që sa herë që bashkëveprojnë doemos ta përmendin fqinjin verior të republikës së Kosovës.

Kufiri mes Kosovës dhe Shqipërisë po relativizohet për qytetarët. Po e shtojmë bashkëpunimin mes zyrtarëve dhe institucioneve si përgjegjësi e jona. Jam i bindur që do zvogëlohen deficitet tregtare edhe në Shqipëri edhe në Kosovë. Kosova dhe Shqipëria po hapen me shpejtësi për njëra tjetrën dhe gjithçka tjetër është e dorës së dytë”, tha Kurti.

Rruga Press