Kanada/ Presidentja Osmani viziton shoqatën e bashkësisë Shqiptaro-Kanadeze

Gjatë vizitës së saj në Kanada Presidentja e Kosovës Vjosa Osmani është ndalur për të takuar edhe anëtarët e shoqatës më të madhe të shqiptarëve në Kanada.

Takim i cili u zhvillua ditën e diel në ‘The Albany Club,’ Toronto organizuar nga SH.B.SH.K.

Merrnin pjesë në takim edhe Ambasadori i Republikës së Kosovës në Kanada Adriatik Kryeziu, Konsulli i Përgjithshëm i Republikës së Kosovës Donat Syla, i ngarkuari me punë i Republikës së Maqedonisë së Veriut Ilir Islami, përfaqësues të shoqatave si motra në Toronto e GTA, miq e të ftuar, etj.

Në fjalën e hapjes kryetari Bujar Zejnullahu falenderoi Presidenten Vjosa Osmani-Sadriu për vizitën, trupin diplomatik, grupin e punës dhe sponsorat dhe të gjithë që e bënë të mundur takimin.

Vjosa Osmani gjatë fjalës së saj shprehu një vlerësim të lartë për Diasporën dhe rolin e saj. Presidentes ju dorëzua Ligji i trashëgimisë shqiptare dhe stemat e trashëgimisë nga Dr. Ruki Kondaj, Irene Breznica dhe Rex Ferati.

Një kopje e Ligjit të Trashëgimisë ju dorëzua dhe Shoqatës Shqiptare Illyria London, ON.

Rruga Press