Vendimi i SHBA: Nga 22 janari, hyrja në kufijtë tokësore dhe detarë vetëm me certifikatë vaksinimi

Shtetet e bashkuara të Amerikës kanë bërë me dije se për t’u futur në vendin e tyre duhet patjetër një certifikatë e vaksinimi kundër Covid.

Autoritetet kufitare të SHBA kanë theksuar se është vendosur që çdo shtetas jo- amerikan që përpiqet të kalojë kufijtë tokësorë dhe nga deti duke filluar nga 22 janari duhet të jetë i pajisur me certifikatën e vaksinimit.

Masa është një vendim i presidentit Joe Biden dhe detyron që brenda dy muajsh të vaksinohen të gjithë ata që dëshirojnë të hyjnë në vend, qofshin shoferë kamioni, apo edhe zyrtarë qeveritarë apo anëtarë të shërbimeve të urgjencës apo ekipeve të shpëtimit.

Sipas një zyrtari të lartë të qeverisë amerikane, kërkesa për vërtetimin e vaksinimit të plotë nga të gjithë ata që hyjnë në vend nga toka përputhet me kërkesat e Uashingtonit me ato për turistët, pasi tre javë më parë SHBA hapi kufijtë e saj për turistët e vaksinuar plotësisht ose vizitorë të tjerë.

Vendimi, i marrë fillimisht në tetor në nivelin më të lartë, nuk zbatohet për amerikanët ose banorët e përhershëm jo-SHBA, të cilët mund të kthehen në shtëpi të pavaksinuar, por do të vazhdojnë t’i nënshtrohen ekzaminimeve shëndetësore shtesë.

Rruga Press