Çfarë duhet të bëjë prindi që dyshon për autizëm te fëmija? Këto janë këshillat se cilat shenja duhet t’i ndiqni!

Autizmi gjithnjë e më rrallë shihet si një sëmundje dhe gjithnjë e më shpesh mjekët e interpretojnë atë si një fenomen për shkak të të cilit truri i një fëmije autik funksionon ndryshe nga ai i fëmijëve të tjerë

Askush ende nuk e di saktësisht se çfarë e shkakton autizmin, dhe fenomeni po përhapet gjithnjë e më shumë dhe ka forma aq të ndryshme sa që tani quhet “spektri autik”.

Zbulimi i hershëm mund të ndihmojë shumë për ta bërë më të lehtë dhe më produktive punën me fëmijë të tillë.

Ata flasin më pak se të tjerët, shpesh përsërisin të njëjtat fraza dhe nuk përgjigjen kur i thërrisni me emër.

Nëse ju duket se vëreni disa shenja të autizmit te fëmija juaj, por nuk jeni të sigurt se sa rastësi të zakonshme ka, këshillohet të bëni një listë dhe të regjistroni kur ato përsëriten.

Kjo listë do të jetë shumë e dobishme kur ta çoni fëmijën tuaj te mjeku.

Shenjat më të theksuara mund të jenë lëvizjet e përsëritura të tilla si duartrokitja, kërcitja e gishtave ose lëkundjet e trupit gjatë qëndrimit në këmbë ose ulur.

Fëmijët autikë shpesh shijojnë një rutinë të përditshme shumë strikte dhe emocionohen shumë nëse diçka në të ndryshon. Nga ana tjetër, ata mund të jenë të qetë dhe të kënaqur për orë të tëra kur janë duke bërë diçka që u intereson posaçërisht.

Megjithatë, duhet mbajtur mend se autizmi mund të jetë shumë i ndryshëm nga një person në tjetrin, sikurse që vajzat reagojnë ndryshe nga djemtë. Duket se gjinia femërore reagon më mirë ndaj situatave sociale, ndaj autizmi te vajzat më vështirë zbulohet.

Rruga Press