VIDEO/ Stuhia vdekjeprurëse ndërpret transportin publik, 1 viktimë dhe dy të zhdukur

Një stuhi vdekjeprurëse e përshkruar nga zyrtarët si një ngjarje moti që ndodh një herë në shekull, ka ndërprerë lidhjet rrugore dhe hekurudhore rreth Vankuverit, në Kanada.

Dy autostradat që lidhin qytetin e Bregut Perëndimor u mbyllën pasi u dëmtuan nga përmbytjet e rënda.

Një grua humbi jetën në një rrëshqitje dheu në autostradë, ndërsa ekipet e shpëtimit thonë se të paktën dy persona të tjerë janë të zhdukur.

Mijëra njerëz u detyruan të largohen nga shtëpitë e tyre për shkak të stuhisë masive, e cila goditi vendin të hënën (15 nëntor).

“Stuhia më e keqe e motit në një shekull”

Ministri provincial i Transportit, Rob Fleming, tha në një konferencë shtypi se kjo ishte “stuhia më e keqe e motit në një shekull”.

Mijëra shtëpi në British Columbia u evakuuan pasi shiu i madh tejkaloi mesataren mujore të reshjeve të rajonit në vetëm 24 orë.

7,000 banorët e zonës së  Merritt, rreth 120 milje në veri-lindje të Vankuverit, u urdhëruan të largohen nga shtëpitë e tyre të hënën.

Rruga Press