Parashikimi i motit për sot/Dita nis me diell, përfundon me reshje!
Temperaturat e ajrit do të rriten lehtë në vlerat minimale por mbeten të pandryshuara në vlerat maksimale duke bërë që mëngjesi të shënojë 4°C në zonat malore ndërsa mesdita ngjitet deri në në 23°C
Dita e sotme do të nisë me diell mirëpo përfundon me reshje shiu. Orët e mëngjesit nisin me kthjellime dhe vranësira të herë pas hershme, të cilat gjatë pasdites dhe kryesisht mbrëmjes zhvillohen duke sjellë reshje të pakta në jugperëndim të vendit. Edhe nata mbete në të njëjtat kushte atmosferike.
Sipas Meteoalb, temperaturat e ajrit do të rriten lehtë në vlerat minimale por mbeten të pandryshuara në vlerat maksimale duke bërë që mëngjesi të shënojë 4°C në zonat malore ndërsa mesdita ngjitet deri në në 23°C. Era do të fryjë e lehtë në tokë dhe mesatare në det me shpejtësi 40 km/h nga drejtimi Jugor duke sjell në brigjet detare dallgëzim 3 ballë.