Mjeku anglez publikon “fotografinë e frikshme”: Një vaksinë apo këtë sasi ilaçesh, çdo ditë?

Një fotografi që po qarkullon aktualisht në mediat sociale ka marrë vëmendjen e shumë mediave, sidomos atyre gjermane.

Sipas mediave të huaja, përcjell Telegrafi, bëhet fjalë për një fotografi të cilën e ka rishpërndarë edhe virologu më i mirë gjerman Christian Drosten nga Charité e Berlinit, mbi të cilën ka shkruar: “Kjo është shumë mbresëlënëse”.

This all medicines required to keep ONE covid patient safe for ONE day one critical care….

Or just ONE vaccine?#getthejab pic.twitter.com/XNMnJYyizf

— Dave 💙 (@drfrocester) November 5, 2021

Ndryshe, një foto është shpërndarë në mediat sociale nga Dr. David Frocester, i cili thuhet se punon në një njësi të kujdesit intensiv në Spitalin Mbretëror Gloucestershire në Mbretërinë e Bashkuar.

Aty shihen shumë ilaçe, të cilat sipas përshkrimit të tij, të gjitha janë të nevojshme për të trajtuar një pacient me Covid-19 për një ditë në njësinë e kujdesit intensiv.

Qetësues, antiinflamatorë, relaksues të muskujve, antibiotikë – ka edhe infuzione të ndryshme dhe preparate të tjera.

Dhe mesazhi i tij është i qartë: “Kjo mund të parandalohet me vaksinim”.

Rruga Press