“Kuvendi të rishikojë rregulloren”, kërkesa e Shoqërisë Civile: Më tepër hapësirë në vendimmarrje
Rishikimi i rregullores së Kuvendit në lidhje me procedurat e peticioneve dhe konsolidimi i një praktike të tillë ishin disa nga sugjerimet e dhëna në një tryezë të rrumbullakët mbi angazhimin e shoqërisë civile në proceset vendimmarrëse.
“Së pari mendojmë të konsolidohet një praktikë pozitive parlamentare për marrjen dhe trajtimin e peticioneve si dhe të rishikohet rregullorja e Kuvendit për të pasur parashikime të qarta, të detajuara për procedurat e peticioneve dhe ta fuqizojë këtë instrument dhe efektshmëri të impaktit të tij te qytetarët dhe grupet e interesit.”
Sfidë mbetet edhe komunikimi mes shoqërisë civile dhe ligjvënësve.
“Edhe pjesa e Kuvendit për të kontaktuar, për t’i mbajtur aktive marrëdhëniet me shoqërinë civile gjithashtu ka sfida siç i hasim dhe ne te pjesa e mbledhjes së të dhënave.”
Bazuar në eksperiencat e drejtpërdrejta të pjesëmarrjes me Kuvendin, 38.3% e organizatave e shoqërisë civile e shohin raportin mes tyre drejt përmirësimi. Ndërsa 7.5% perceptojnë se marrëdhëniet e tyre kanë ardhur duke u përkeqësuar.