Newcastle arrin akordin me trajnerin e ri, nuk është Emery

Unai Emery ua bëri të qartë drejtuesve të Newcastle se nuk do të pranojë ofertën e tyre për të marrë drejtimin e klubit që pritet të dominojë ndoshta merkaton dhe futbollin anglez në dekadën e ardhshme.

Klubi që është blerë nga manjatët e Arabisë Saudite, pas refuzimit nga spanjolli kanë zgjedhur rrugën e rritjes graduale duke preferuar një trajner jo shumë public dhe të famshëm por mjaft produktiv siç është Eddie Howe.

43-vjeçari do të jetë trajneri i Newcastle që shkarkoi Steve Bruce teksa Howe ka rënë dakord për të drejtuar ekipin e ri deri në vitin 2024.

Eddie Howe nuk është një trajner fitues që ka arritur trofe të rëndësishëm por vlerësohet shumë në Angli për atë që ka bërë me Bournemouth të cilët i drejtoi për 8 vite duke i marrë nga kategoritë inferiore e për t’i ngjitur në Premier League në 2015.

Dr. e Përgjithshme, Amanda Staveley preferoi kështu një trajner anglez që njeh mirë Premier League dhe që mund të ketë shansin të bëhet trajner i madh bashkë me klubin e ri të Newcastle.

Rruga Press