Cop26 në Glasgow/Në ditën e 5 diskutohet për rininë dhe fuqizimin publik

GLASGOW- Më shumë se 190 vende janë mbledhur për Konferencën e OKB-së për Ndryshimet Klimatike, në Glasgow Skoci. Këtë vit sytë e gjithë botës janë kthyer drejt COP26, ku liderët botërorë po të mblidhen së bashku për të diskutuar përgjigjen globale ndaj krizës klimatike.

Si pjesë e Marrëveshjes së Parisit , vendet kanë rënë dakord të përpiqen të kufizojnë ngrohjen globale në 2 C, idealisht në 1.5 C, për të frenuar shkatërrimin e klimës dhe të paraqesin planet e tyre të veprimit se si do ta arrijë këtë secili.
Dita e pestë i kushtohet rinisë dhe fuqizimit të publikut. Konventa Kuadër e Kombeve të Bashkuara për Ndryshimet Klimatike (YOUNGO) do të paraqesë një deklaratë globale të të rinjve, duke paraqitur veprimet e tyre klimatike dhe atë që ata duan të shohin nga liderët globalë.
Aktivistët, udhëheqësit e biznesit dhe ministrat do të shikojnë se çfarë mund të bëhet më shumë për të krijuar një reagim të gjithë shoqërisë ndaj veprimit klimatik. Presidenti i COP26, Alok Sharma dhe ministri italian i tranzicionit ekologjik, Roberto Cingolani, do të diskutojnë rezultatet e një samiti të të rinjve të mbajtur në Milano në shtator. Do të zhvillohet gjithashtu një event që fokusohet në “shëndetin” e oqeanit dhe mbështetjen globale për mbrojtjen e të paktën 30% të gjithë oqeaneve deri në vitin 2030.
Dita e djeshme ishte e fokusuar tek energjia dhe sidomos qymyrin. Pjesëmarrësit diksutuan mbi masat e reja që duhen ndërmarrë për të kaluar sa më shpejt drejt burimeve më të pastra të energjisë.Vendet kryesore që përdorin qymyr, duke përfshirë Kanadanë, Poloninë, Korenë e Jugut, Ukrainën, Indonezinë dhe Vietnamin, do të heqin dorë nga përdorimi i qymyrit për prodhimin e energjisë elektrike. Ekonomitë më të mëdha do ta bëjnë këtë në vitet 2030 dhe ekonomitë më të vogla do e arrijnw këtë në vitet 2040. Përdorimi i qymyrit është një nga shkaqet më të mëdha të emetimeve të gazeve serrë, sipas Agjencisë Ndërkombëtare të Energjisë , dhe përdorimi i karburantit ndotës është rikuperuar pas rënies së përkohshme të emetimeve të shkaktuar nga bllokimet e vitit të kaluar. Marrëveshja e ndërmjetësuar nga Mbretëria e Bashkuar në Glasgow përfshin angazhime nga dhjetëra vende në zhvillim si dhe të zhvilluara për të ndaluar përdorimin e qymyrit, dhe më shumë se 100 institucione financiare dhe organizata të tjera kanë rënë gjithashtu dakord të ndalojnë financimin e zhvillimit të qymyrit. Marrëveshja erdhi si pjesë e një fokusi në energji për ditën e pestë të samitit Cop26 dhe pason një sërë njoftimesh të mëparshme në fillim të javës, si për shembull një angazhim nga shumë vende për të ndaluar shpyllëzimin.

Rruga Press