Ide e mirë, por kush përfiton nga propozimi i Ministrisë së Arsimit për dyqane me ushqim të shëndetshëm
Ministria e Shëndetësisë dhe Arsimit do të ndalojë reklamimin e ushqimeve të pashëndetshme në mjediset e institucioneve arsimore. Synimi i këtij vendimi është lufta kundër kequshqyerjes dhe mbrojtja e nxënësve të moshave nga 6-15 vjeç, prej materialeve të dëmshme për ta. Qëllimi është plotësimi dhe rregullimi i legjislacionit për mbrojtjen e të miturve nga përdorimi i alkoolit, pijeve energjike dhe pijeve të gazuara që përmbajnë sheqer të shtuar. Ushqimet e ndaluara janë ëmbëlsirat, kryesisht produktet me çokollatë; ushqimet e skuqura, në të cilat përfshihen patatinat, salsiçet dhe petullat; ushqimet e aromatizuara, me përmbajtje yndyre, yndyre të ngopur, natriumi dhe sheqeri; si dhe pijet freskuese me ose pa gaz.
Ushqimet që do të lejohen janë fruta të freskëta, fruta të konservuara në lëng natyral dhe perime të papërpunuara.
Ideja e MASH-it është shumë e rëndësishme dhe e nevojshme jo vetëm për fëmijët. Të ushqyerit është një problem i madh i shoqërisë dhe mos kontrollimi sjell pasoja në shëndetin e çdo njeriu.
Sot 370 qytetarë në Krujë, përfunduan në spital për shkak të helmimit nga uji, i cili sapo ishte inaguruar nga vetë KM Rama gjatë fushatës elektorale.
Çfarë duhet të nënkuptojmë me këtë?
- Fasadë për vota
- Nder dikujt që të zhvillojë biznesin e tij në kurriz të qytetarëve që të përfundojnë në spital
Duket sikur të dyja opsionet janë të mundëshme, sepse tashmë prej kohësh kjo qeveri bën pazare kundër xhepit të shqiptarëve.
Prandaj pyetja shtrohet prapë?
- Kujt është duke i bërë nder Ministrja Kushi me dyqanet që kanë ushqime të shëndetëshme pranë shkollave?
- Kush do i përballojë çmimet e larta të këtyre ushqimeve?
Një pjesë e madhe e familjeve shqiptare mezi kanë përballuar blerjen e librave. Ka plot raste ku fëmijët nuk kanë shkuar as në shkolla, por punojnë që të nxjerrin bukën e ditës.
Kontrolli për cilësinë e ushqimit është themelore, po aq sa është edhe arsimimi dhe mos shfrytëzimi i ndonjë tenderi në kurriz të familjeve shqiptare.
© Rruga Press