Pasojat e gjuetisë brutale, rritet numri i elefantëve që lindin pa dhëmbët e fildishtë

Dhëmbët janë një ndër tiparet karakteristike të elefantëve, me anë të tyre ata ngrenë degë të rëna, rrëzojë pemë, zhveshi lëvore dhe gërmojnë gropa për ujë apo minerale. Megjithatë, një numër i madh femrash në Parkun Kombëtar Gorongosa në Mozambik po lindin pa këto “mjete” jetësore.

Shkencëtarët besojnë se kjo është një përgjigje evolucionare ndaj gjuetisë brutale që u është bërë elefantëve për fildishin në dhëmbët e tyre gjatë luftës civile në vend. Ekspertët e elefantëve që punonin në park kishin filluar ta vinin re fenomenin pas përfundimit të luftës në vitin 1992.

Të dhënat në terren dhe analiza e pamjeve të vjetra video nga parku zbuluan se përqindja e elefantëve femra pa dhëmbë u rrit më shumë se trefish midis 1972 dhe vitit 2000. Kjo ishte një periudhë gjatë së cilës popullsia e elefantëve ra nga afërsisht 2,000 në rreth 250 individë, tha Ryan Long, profesor i asociuar i shkencave të kafshëve të egra në Universitetin e Idahos.

“Gjatë luftës, Gorongosa ishte në thelb qendra gjeografike e konfliktit,” tha Long.

“Si rezultat, kishte një numër të madh ushtarësh në zonë dhe shumë motivime të lidhura… për të vrarë elefantët dhe për të shitur fildishin për të blerë armë dhe municione. Gjuetia e paligjshme ishte shumë intensive.”

Rruga Press