Vojvoda për Marcan rrëfen historinë e dhimbshme të tij dhe popullit shqiptar: Fshehja, bombardimet, qëndrimi në mal dhe ndarja nga prindi
Sonte me fillim nga ora 20:45 Kosova do të ndeshet me Spanjën një vend që po këmbëngulë në mosnjohjen e shtetësisë së Kosovës.
Ndonëse është vetëm një ndeshje futbolli, padyshim politika nuk ka pasur sesi të mos ndikoi tek ky takim, ku autoritetet spanjolle detyruan Federatën e Spanjës të mos e theksoi emrin e Kosovës por të thirret vetëm si në “Territorin kosovar”.
Megjithatë, opinioni spanjoll tashmë është i njohur për historinë e vendit tonë, ishte fillimisht Samir Ujkani ai që rrëfeu për Marcan ndërsa tani është një protagonist tjetër që është përballur me një histori të dhimbshme- Mërgim Vojvoda që vjen nga një prej zonave më të goditura nga lufta, Drenica.
“Tregimi i Mërgim Vojvoda është një tjetër pa fund. Prindërit e tij ishin të shqetësuar dhe vendosen ta largojnë në veri. Lojtari i Torinos u detyrua të largohet nga shtëpia dhe të fshihet derisa ndodheshin bombardimet e Serbisë”, nis shkrimin Marca.
“Ishte vetëm 3-vjeçar kur toka e tij u mbush me gjak. Babai i tij, ushtar e kuptoi se nuk largohej, më e keqja do t’i priste aty. Me gruan dhe katër fëmijët, ai u largua për në mal. Mërgim nuk e harron këtë:
“Kemi jetuar në mal për disa muaj duke ikur nga bombat. U fshehëm nëpër traktorë. Duhej të flinim në vend të hapur, të lodhur, uritur, ishte ftohët dhe s’kishim ujë”.
“Familja e Vojvodas me sukses kaloi në Republikën Çeke, por nuk mbaroi me kaq. Babai, vëllai dhe njëra nga motrat e Mërgimit u arrestuan që hynë në shtet në mënyrë ilegale. Për javë familja e tyre ishte e thyer. Se bashku me nënën dhe dy vëllezërit, ata duhet të shpëtonin në kushte të tmerrshme. Gjashtë muaj më vonë, u ribashkuan dhe gjetën mënyrën të dalin në një shtet tjetër përmes mijëra refugjatëve duke përfshirë tezën e Mërgimit, pra kaluan në Belgjikë”.
Jeta e re
Tani, Vojvoda ka gjetur paqe, por me dhimbjen se shumë njerëz që i ka njohur nuk do t’i sheh sërish. Në moshën 16-vjeçare kaloi te Standard de Liege, më pas u huazua te St.Truiden, me premtimin që do rikthehej sërish në ekipin e parë. Ata e gënjyen. Në moshën 20-vjeçare u dërgua te Carl-Zeiss Jena, skuadër që ka humbur në kategoritë e futbollit gjerman. I dëshpëruar një dhomë hoteli duke fituar 600 euro për muaj, Mërgim ishte i shqetësuar. Në fakt, aq shumë sa mendoi të largohej dhe të kërkonte punë. Por, vendosi të mos dorëzohej. Dhe pastaj kishte të drejtë. Mouscro vendosi ta blejë nga Standard për 1.2 milionë euro. Sot është një lojtar i rëndësishëm i Torinos. Vojvoda ka kontratë si futbollist elitar. Por, nuk ka harruar nga vjen:
“Fitoj para sa asnjëherë nuk e kam menduar, kam gjëra që asnjëherë nuk i kam imagjinuar, por nuk harrojë se nga vijë. E di çfarë kushton të fitojë para dhe jam krenar për këto arritje”, kishte thënë në një intervistë për “Le Soir”, transmeton lajmi. E kaluara bën që të shikojë gjithë te Kosova. Për këtë arsye, kur FIFA i hapi derën, nuk hezitoi. Pranoi të kalonte te Kosova. Në 10 nëntor 2016, ishte ditë e mirë për të, ngase mori lejen të përfaqësonte Kosovën.
Rekordi i Kosovës
Me 11 qershor 2017 (1-4 kundër Turqisë), ai debutoi me Kosovën. Ka zhvilluar 38 ndeshje, një numër që vetëm Rrahmani e barazon. Në Prishtinë, Spanja do këtë përball një lojtar që e shikon ndeshjen si betejë: “Për mua, të luajë për Kosovën është si të jem në luftë sërish. Erdha si ushtar të mbrojë shtetin tim, shtëpinë time”. Ndërkohë, Kosova do përballet sonte me Spanjën me fillim nga ora 20:45.